من اشعار محمد بن راشد

Admin عدد المساهمات : 303 تاريخ التسجيل : 07/02/2012

تضحك ومن هجرك فوادي مكدر
وتداري احزاني بضحكه كذوبه
وجدي تفجر في ضميري ودمر
احصون صبري وما ليه عنك توبه
حاولت نسيانك ولكن تعذر
علي نسيانك بنفس امغلوبه
ما انته الوحيد اللي بحسنك امصور
مثل البدر حسن ودلال وعذوبه
لكن قلبي بك لوحدك تاثر
وروحي على حبك اراها امغصوبه
اورد عليك وبالظما عنك اصدر
ظامي وما عندك لودك مثوبه
تلعب باحساسي ياليت اتذكر
اني بشر واحساس مايلعبوا به
صدقت فيه عاذل ساعي ابشر
ما حس قلبك ان خلك سعوا به؟
وصديت عني عامد واتعذر
ما اتخاف يا ظالم تصيبك عقوبه؟
واللي دهاني منك ما حد يقدر
على علاجه منه روحي امعطوبه
بي شي بالانفاس يحيا ويكبر
ويموت بالانفاس يا ذي عجوبه؟

» من اشعار الشيخ محمد بن راشد
» من اشعار قيس
» اشعار جميل بثينه
» قصيدة حب قصيدة حبيبتي - من اشعار نزار قباني